لتكن بدايتنا من هنا
هشام عشماوى و عادل حبارة و وليد بدر و عماد و غيرهم ليسوا من اهل سيناء .. و الذين قاموا بتفجير مديريات الأمن و هاجموا الأقسام لم يكونوا ايضا من اهل سيناء .. الذين قاموا باغتيال ضباط الشرطة و الجيش فى كل مصر و النائب العام ليسوا من اهل سيناء ... اللي اعتصموا برابعه و النهضة ليسوا من اهل سيناء .. مكتب الإرشاد و أعضاء الجماعة الارهابيه ليسوا من اهل سيناء ....
تعالوا لنتعرف بالفعل علي اهل سيناء وبطولاتهم . هم الذين ساعدوا الجيش و القوات الخاصة على الأرض بالمعلومات و التنفيذ فى حرب الاستنزاف و ٧٣ هم اهل سيناء .. واللى خبوا عناصر الاستطلاع عندهم بالشهور فى الفترة دى هم من اهل سيناء... اللى نفذوا عمليات استشهاديه ضد القوات الإسرائيلية هم من اهل سيناء... تعالى بقي انصحك نصيحه .. عيش وسط اهل سيناء و انت تتعلم الوطنيه عن حق بالفعل وليس الكلام ... هتتعلمها من الصغير قبل الكبير.. هتتعلمها من الشاب اللى كل حلمه يبقي جندى يدافع عن بلده هتتعلمها من ستاتها اللى هما فى الأصل رجاله و خلفوا رجاله هتتعلمها من اطفالها اللى اتربوا على حب تراب البلد و اتربوا على التضحية... هتتعلمها من بيوتها اللى مافيش بيت في سيناء الا لما ودع شهيد مدنى أو عسكرى من اهله .... ادخل على الفيس زى ما انت بتعمل ... و شوف صفحات اهل سيناء و شوف وطنيتهم و اتعلم ... شوف لما بيحصل حادث ارهابي رد فعل صفحات اهل سيناء و رد فعل صفحات باقى البلد ... انا مش بقلل من وطنيه حد و باقي اهل مصر ( اللى انا منهم ) بس عن تجربه ياااريت جميع اهل مصر و خصوصا الشباب يكونوا زى ولاد الأرض الطيبه.. سيناء ..
